هەواڵنامەی مانگانە

درێژکردنەوەی مۆڵەتی کار

یاداشتێکە فەرمانبەری حکومەتى هەرێمى کوردستان لە دەرەوەى ووڵات بەرزی ئەکاتەوە بۆ داواکردنی درێژکردنەوەى مۆڵەتەکەی لە کاتێک کە نەتوانێ بگەرێتەوە سەر کارەکەی لە کاتی دیاریکراو بە هۆکارێکی بەسەندکراو کە ڕێگربێت لە گەشتکردن و گەڕانەوەی فەرمانبەر بۆ هەرێمی کوردستان. بۆ نمونە هۆکاری  تەندروستی و هەبونی راپۆرتی پزیشکى باوەرپێکراو.

ڕێکار و هەنگاوەکان :

بۆ درێژکرنەوەی مۆڵەتی کار پێویستە داواکار ئەم خاڵانەی خوارەوە جێبەجێ بکات :

١ - پێشکەشکردنی داواکای بە یاداشتێک بە نوێنەرایەتی حکومەتی هەرێم کە تیایدا داواکار زانیاری تەواو دەدات لەسەر ناونیشان و پلەی کارگێری و شوێنی کارکردنی لە هەرێمی کوردستان و بەڕێوەبەرایەتییەکەی و وەزارەتەکەی و هۆکاری داواکردنی درێژکردنەوەی مۆڵەت یان وەرگرتنی مۆڵەت و دیاریکردنی ماوەی وەرگرتنی مۆڵەت.

٢ - وێنەیەک لە نووسراو (کتاب)ی مۆڵەتی پێشووتری، بەشێوەیەک کە ناونیشانی کارکردن و بەرواری دەستپێکردن و کۆتاییهاتنی مۆڵەتی پێشتری دیار بێت .

٣ - پێشکەشکردنی راپۆرتی پزیشکی (پزیشکی تایبەتمەند) و وەڕگێردراوی راپۆڕتەکە، لەلایەن وەرگێڕێکی رێگەپێدراوە، بۆ سەر زمانی کوردی یان عەرەبی. راپۆرتی پزیشکی پێوسیتە لای پزیشکی تایبەتمەندەوە دەرچووبێت نەک پزیشکی گشتی.