نوێکردنەوەی پاسپۆڕتی عێراقی لە فەرەنسا.

بەمەبەستی نوێکردنەوەی پاسپۆڕتی ئەو هاوڵاتییە عێراقیانەی کە لە فەرەنسا دەژین و پاسپۆڕتەکانیان بەسەر چووە یان نزیکن لە بەسەرچوون ، شاندێکی وەزارەتی ناوخۆی عێراق لە رۆژانی ٢٧ی ٣ی ٢٠٢٣ تاوەکو ٢ی ٤ سەردانی فەرەنسا دەکەن و لەماوەی مانەوەیان لە چەند شارێکی فەرەنسا مامەڵەی نوێکردنەوەی پاسپۆڕت بۆ هاوڵاتیانی عێراقی رایی دەکەن. بۆیە ئەو هاوڵاتییانەی خوازیارن پاسپۆڕتە عێراقیەکانیان نوێبکەنەوە ئەو خاڵانەی خوارەوە رەچاو بکەن،

١-هێنانی بەڵگەنامە و ناسنامەی ئۆرجینال وەل (کارتی نیشتیمانی ، رەگەزنامە یان ناسنامەی باری شارستانی) بەمەرجێک زیاتر لە پانزە ساڵ بەسەر دەرهێنانیان تێپەرنەبووبێت.

٢- دوو فۆتۆکۆپی رەنگاورەنگی بەڵگەنامەکان ، لەگەڵ پڕکردنەوەی فۆرمی داواکاری بۆ نوێکردنەوەی پاسپۆرت

٣- چوار وێنەی رەنگاورەنگی مامەڵە ، بەمەرجێک باکگراوندی وێنەکان رەنگی سپی بێت.

٤- لە کاتێکدا ئەگەر بەڵگەنامەی فەرمییەکان بە ئۆرجیناڵی بەردەست نەبوون دەبێت نوسخەیەکی ئۆرجینالی (صورە قید) یان (صورە قید)ی ئەلیکترونی پێشکەش بکەن ، بەمەرجێک لەلایەن وەزارەتی ناوخۆ یان بەشی راستاندنی کونسولخانەی گشتی عێراق پەسەند کرابێت.

٥- بۆ نوێکردنەوەی پاسپۆڕت پێویستە پاسپۆرتە کۆنەکەت رادەستبکەیتەوە.

٦- ئەگەر پاسپۆرتەکەت ونکردبێت ، دەبێت راپۆرتی ونکردنی پاسپۆرتەکەت کە لەلایەن پۆلیسەوە دەرچووە  لەلای وەرگێرێکی رێگەپێدراو وەربگێریتە سەر زمانی عەرەبی و پێشکەسی بکەیت ، بەمەرجێک لەلایەن وەزارەتی دەرەوەی فەرەنسا راستاندنی بۆ کرابێت.

٧- بۆ ئەو منداڵانەی کە لە فەرەنسا لەدایکبوون بەڵگەنامەی تۆمارکردنی منداڵەکە پێوسیتە کە دەبێ پێشتر منداڵەکەت لە کونسوڵخانەی گشتی عێراق لە پاریس تۆمار کردبێت ، یان پێشکەشکردنی بەڵگەنامەی لەدایکبوون ئەگەر لە عێراق دەرچووە لە رێگەی بریکارێکەوە.

٨- بڕی تێچووی نوەکردنەوەی پاسپۆڕت بریتییە لە (١٩٥) یۆرۆ ، کە تەنها بە کاش وەردەگیرێت.

٩- پڕکردنەوەی فۆڕمی داواکاری نوێکردنەوەی پاسپۆڕت لەم لینکەی خوارەوە و کۆپی کردنی فۆڕمەکە لەسەر لاپەرەیەکی (A4)
فۆڕمی داواکراو 

راییکردنی مامەڵەی نوێکردنەوەی پاسپۆڕت لەو ناونیشانانەی خوارە دەبن.


پاریس ، باڵیوزخانەی عێراق ، رۆژانی ٢٧ و ٢٨ و ٢٩ی ٣ی ٢٠٢٣

64 AV FOCH PARIS16.

.........................................

لیون ، رۆژانی ٣٠ و ٣١ی ٣\٢٠٢٣

57 avenue Roger Salengro


69120 Vaulx en Velin

...........................

 شاری پوو، ڕۆژانی ١ و ٢ی ٤\٢٠٢٣


               6 impasse honnête


               Pau 64000

..........................

بۆ وەرگرتنی زانیاری و بەرچاوروونی زیاتر دەتوانن پەیوەندی بکەن بە کونسوڵخانەی گشتی عێراق لە پاریس بەو ئیمەیل و ژمارە تەلەفۆنەی خوارەوە.

تەلەفۆن : (٠٠٣٣١٤٥٥٣٣٣٧٠)

ئیمەیل : consulat@irak.fr