هه‌واڵ و چالاكییه‌كان ⮜ بەڕێزان نێچيرڤان بارزانى و مسته‌فا كازمى دۆخى عێراق تاوتوێ ده‌كه‌ن

بڵاو کراوە لە: هەینی ١١ ئه‌یلوول ٢٠٢٠ - ١٢:١٨

 

 

سه‌رله‌به‌يانيى ئه‌مڕۆ هه‌ينى ١١ی ئەیلولی ٢٠٢٠ به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز مسته‌فا كازمى، سه‌رۆك وه‌زيرانى عێراقى فيدراڵ كرد.

 

له‌ كۆبوونه‌وه‌يه‌كدا دۆخى گشتيى وڵات و دۆسيا هاوبه‌شه‌كانى نێوان حكوومه‌تى فيدراڵ و هه‌رێمى كوردستان تاوتوێ كران و هه‌ردوولا جه‌ختيان له‌ گرنگيى يه‌كڕيزى و يه‌كهه‌ڵوێستى بۆ ڕووبه‌ڕووبوونه‌وه‌ى دۆخه‌كه‌ و ته‌حه‌دياتى ئێستا كرده‌وه‌.

 

هه‌ردوولا داكۆكييان له‌ گرنگيى گفتوگۆى هه‌ولێر – به‌غدا له‌سه‌ر بنه‌ماى ده‌ستوور و گه‌يشتن به‌ چاره‌سه‌رێکی بنچینه‌یی کرده‌وه‌ كه‌ خزمه‌ت به‌ ته‌واوى وڵات و پێكهاته‌كانى بكات.

له‌ كۆبوونه‌وه‌كه‌دا جه‌خت له‌ به‌رده‌واميى هاريكارى و هه‌ماهه‌نگيى ئه‌منيى نێوان پێشمه‌رگه‌ و سوپاى عێراق بۆ به‌ره‌نگاربوونه‌وه‌ى تيرۆرستانى داعش كرايه‌وه‌، به‌ شێوه‌يه‌ك سه‌قامگيرى دابين بكات و هاوكار بێت بۆ گه‌ڕانه‌وه‌ى ئاواره‌كان و به‌ڕێوه‌چوونى هه‌ڵبژاردنێكى سه‌ركه‌وتوو كه‌ ئيراده‌ و خواستى هاووڵاتيان به‌رجه‌سته بكات.

 

 

 

Share

سەرجەم مافەکان پارێزراون بۆ ماڵپەری © حکومەتی هەرێمی كوردستان - 2020' - Agence Web