هه‌واڵ و چالاكییه‌كان ⮜ شکۆداربێت ڕۆژی نیشتیمانی ۱٤ی تەمموزی فەڕەنسی

بڵاو کراوە لە: چوارشەممە ١٤ ته‌مموز ٢٠٢١ - ١٢:٠٠

 

 

١٤ی تەمموز، لە ساڵی ١٨٨٠ ی زایینی یەوە وەک جەژنێکی نیشتمانی فەرەنسی دەستنیشان دەکرێت و هەموو ساڵێک لە فەرەنسا یاد دەکرێتەوە.

 

ڕۆژی نیشتیمانی ١٤ی تەمموز بە یاسا لە ٦ی تەمموزی ١٨٨٠ بڕیاری لەسەر دەدرێت و دەکرێتە ڕۆژی نیشتیمانی فەرەنسی.

هەڵبژاردنی ١٤ی تەمموز دەگەڕێتەوە بۆ ڕۆژی رزگارکردنی زیندانی باستی لە پاریس لە بەرواری ١٤ی تەمموزی ١٧٨٩، باستی سەمبولی دەسەڵاتی مۆنارشی ئەوکاتەی فەرەنسا بوو، ڕووخانی ئەم زیندانە پتەوە بووە هێمایەک بۆ شۆڕشی فەرەنسی، ساڵێک دوای ڕووخانی باستی، لە ١٤ی تەمموزی ١٧٩٠ جەژنی فێدراسیۆن گێڕدرا، کە دەکاتە یەکەم ساڵیادی شۆڕشی فەرەنسی.

 

چەند سەدەیەکە گەلی فەرەنسی یادی ئەم ڕۆژە دەکەنەوە و ڕۆژی پشووی هەموو دامەزراوە فەرەنسییەکانە. ساڵ بە ساڵ شوێنی گردبوونەوە و نمایشی سەربازی گۆڕانکاری بەسەردا هاتووە، هەر ساڵە و لە یەکێک لە گەڕەک و ناوچە جیاوازەکانی پاریس دەکرێت، بەڵام لە ساڵی ١٩٨٠ ەوە شانزەلیزێ بووەتە چەقی نمایش و چالاکییەکان. 

 

 

 

Share

سەرجەم مافەکان پارێزراون بۆ ماڵپەری © حکومەتی هەرێمی كوردستان - 2021' - Agence Web