به‌ هۆی رێنماییەکانی خۆپارێزی پەتای کۆرۆنا، نووسینگەی نوێنەرایەتی حکومەتی هەرێمی کوردستان لە پاریس بە داخراوی دەمێنێتەوە بە ڕووی هاوڵاتیاندا بۆ کاتێکی نادیار. به‌ هیوای سه‌لامه‌تی بۆ هه‌موولایە‌ک

هه‌واڵ و چالاكییه‌كان ⮜ سه‌رۆكی هه‌رێمی كوردستان پێشوازی له‌ باڵیۆزی فه‌ره‌نسا له‌ عێراق كرد

بڵاو کراوە لە: چوارشەممە ٥ شوبات ٢٠٢٠ - ١٨:١٧

 

 

پێشنیوه‌ڕۆی ئه‌مڕۆ ٥ی شوباتی ٢٠٢٠، به‌ڕێز نێچیرڤان بارزانی، سه‌رۆکی هه‌رێمی کوردستان له‌گه‌ڵ به‌ڕێز برونۆ ئوبێرت باڵیۆزی فه‌ره‌نسا له‌ عێراق و شاندێكی یاوه‌ری، کۆبووه‌وه‌.

سه‌رۆکی هەرێمی کوردستان بەڕێز نێچیرڤان بارزانی سوپاسی هاوكارییه‌كانی فه‌ره‌نسای كرد له‌ ناوچه‌ی شه‌نگال، هه‌روه‌ها دووپاتی كرده‌وه‌ هه‌ر كاندیدێکی پۆستی سه‌رۆك وه‌زیرانی عێراق كۆده‌نگی له‌سه‌ر بێت، هه‌رێمی كوردستان هاوكار ده‌بێت ئه‌مه‌ش به‌مه‌به‌ستی به‌دیهێنانی سه‌قامگیری و ئاسایش و پرۆسه‌یه‌كی سیاسیی سه‌ركه‌وتوو بۆ گشت عێراق.

بەڕێز نێچیرڤان بارزانی دووپاتی كرده‌وه‌ كه‌ هه‌وڵه‌كان بۆ گفتوگۆی هه‌ولێر ـ به‌غدا و چاره‌سه‌ركردنی كێشه‌كان به‌رده‌وام ده‌بن، هه‌روه‌ها جه‌ختی له‌ هه‌ماهه‌نگی و هاوكاریی نێوان كۆمه‌ڵگه‌ی نێوده‌ڵه‌تی و حكوومه‌تی عێراق و وڵاتانی هاوپه‌یمان كرده‌وه‌ به‌مه‌به‌ستی ڕووبه‌ڕووبوونه‌وه‌ی مه‌ترسیی سه‌رهه‌ڵدانه‌وه‌ی داعش و دانانی میكانیزمێك بۆ مانه‌وه‌ی هێزه‌كانی هاوپه‌یمان.

چۆنیه‌تیی بره‌ودان به‌ په‌یوه‌ندییه‌کانی هه‌رێمی کوردستان و فه‌ره‌نسا، سه‌ردانه‌ مه‌یدانییه‌كه‌ی شاندی میوان بۆ ناوچه‌ی شه‌نگال،‌ هه‌ماهه‌نگی و په‌یوه‌ندییه‌كانی هه‌ولێر و به‌غدا به‌مه‌به‌ستی سه‌قامگیریی زیاتر له‌ ناوچه‌كه‌، بارودۆخی ئێستای به‌غدا و ناوزه‌دكردنی به‌ڕێز محه‌مه‌د تۆفیق عه‌لاوی بۆ پۆستی سه‌رۆك وه‌زیران و دۆخی ئابووری و ئاسایش و مه‌ترسییه‌كانی داعش به‌گشتی، لایه‌نێكی دیكه‌ی كۆبوونه‌وه‌كه‌ بوو.

 

Share

سەرجەم مافەکان پارێزراون بۆ ماڵپەری © حکومەتی هەرێمی كوردستان - 2020' - Agence Web