نوێنەرایەتی حکومەتی هەرێمی کوردستان لە فەرەنسا خولی فێربوونی زمانی کوردی دیالێکتی سۆرانی ڕادەگەیەنێت

نوێنەرایەتیی حکومەتی هەرێمی کوردستان لە فەرەنسا بە خۆشحاڵییەوە خولی فێربوونی زمانی کوردی دیالێکتی سۆرانی بۆ ساڵی خوێندنی ٢٠٢٦-٢٠٢٧ بۆ منداڵانی خۆشەویست (خوار ١٥ ساڵ) ڕادەگەیەنێت. وانەکان هەموو ڕۆژانی یەکشەممەیەک لە ئۆفیسی نوێنەرایەتی بەڕێوەدەچن.

 - دەستپێک: ١٣ی ئەیلوولی ٢٠٢٦
 - ڕۆژ / کات: هەموو یەکشەممەیەک، ٠٢:٣٠–٠٤:٣٠ دوای نیوەڕۆ (کاتی فەرەنسا)
 - شێواز: وانەی ڕاستەوخۆ لە ئۆفیسی نوێنەرایەتی (لێرە کلیک بکە بۆ ئەدرێس)
 - ناوتۆمارکردن: بەشداری تەنها بۆ ئەو کەسانەیە کە پێشوەختە خۆیان تۆمار کردووە؛ کەسانی تۆمارنەکراو وەرناگیرێن.
 - کەرەستەی وانە: کەرەستە و پەرتووکەکانی پەروەردە لەلایەن نوێنەرایەتییەوە دابین دەکرێت.
 - بڕوانامە: ئەو بەشداربووانەی بەسەرکەوتوویی خولەکە تەواو دەکەن، بڕوانامەی بەشداریکردنیان پێدەبەخشرێت.

ئەو خێزانانەی ئارەزوو دەکەن ناوی منداڵەکانیان تۆمار بکەن یاخود زانیاریی زیاتر بەدەستبێنن، دەتوانن لە ڕێگەی ئەم ئیمەیڵەی خوارەوە پەیوەندیمان پێوە بکەن: secretary.fr@gov.krd